Shen’s Blog

由布院之森（ゆふいnの森）得指定席，出發前check清楚時間表。

我哋個package包兩日早餐，但係每日得兩個quota，因為冇同囡囡買package，淨買機票。去到buffet，俾咗兩張飛，佢指住囡囡，我哋話佢唔食，雞同鴨講咗一輪，佢放咗我哋去食嘢。之後另一個waiter過咗嚟，係紙上寫住child¥1155，冇計。Rules are rules,唯有俾。不過佢哋都好好人好有禮貌。
Buffet裡面有個coffee machine,試咗個expresso都幾好。
食過早餐之後就出街，哩幾日嘅天氣相當好，有太陽。出發前係網上睇過天氣預測話最低去到12度所以帶多咗幾件厚衫，但其實唔駛，一路都好暖。
第一日嘅指定動作就喺去換Jr pass。我哋會去嘅地區唔多而且都係喺附近，所以只會用northern Kyushu pass。出發前已經喺旅行社買咗voucher。去到換飛同頂埋後日搭由布院之森嘅指定席。出發前已經睇咗個時間表,寫定喺紙上俾佢睇，又快又方便。 之後去巴士中心買定第二日去高千穗嘅飛。jr pass 同巴士飛都買咗child fare俾囡囡，其實都唔知駛唔駛，佢哋嘅兒童係指6歲以上讀小學。囡囡啱啱6歲，但係仲讀緊幼稚園。決定長途嘅就買，subway或者市區巴士就唔買啦。
買完飛搭subway去天神轉西鐵去太宰府。首先坐大牟田線，之後喺二日市轉太宰府線。喺太宰府行咗一陣就返天神。

Loft – りぁっくま

屋台 – 燒明太子

啱啱由九洲返嚟，想記低去過嘅景點。主要去嘅地方其實都係大部份人會去，網上或者書裡面都會教你點plan。不過高千穗峽就好似冇咩資料，搵到嘅都係自駕遊多。就等我總結一下今次嘅旅程啦。
去高千穗如果唔想自己揸車，唯一嘅交通工具就喺巴士。喺北九洲嘅話，福岡同熊本都有高速巴士去延岡途經高千穗。我哋由福岡出發大概搭咗三個半鐘。車上有厠所但喺就好似冇咩人去，中途會停係一個叫綠川嘅地方可以買下嘢食同去廁所。另外記得要預約，識日文可以打電話或網上攪定，唔識嘅話就預早一日去買票，喺白紙上寫定你要搭嘅出發時間比售票員睇，咁就唔會雞同鴨講。價錢方面如果同時買四張飛會平20%。買飛同上車嘅地方都喺搏多巴士中心三樓。上車就喺35號門，有個LCD顯示巴士嘅班次資料，一定唔會攪錯。

到咗高千穗巴士站，可以先去一去洗手間。之後有兩個方法去高千穗陝。第一個方法就喺搭的士，佢哋停喺巴士站等客。如果選擇的士，車程只要五分鐘，600円有找。我們見有很多時間就選擇第二個方法-行路。大概要40分鐘。沿途都冇咩人，最後尾的一段落山路要轉幾個彎，好似頭文字D裡面個郡馬縣咁，又有其他車上落都幾危險，建議都是搭的士，回程就一定要，否則行上山嗰條路，命都冇！
到高千穗陝有幾樣嘢要做，去食流水麵，划船同行一行峽谷。峽谷中段有個瀑布可划船遊近，1500円半個鐘，都相當安全。
我們逗留咗大概四個鐘頭就返巴士站等車，如果有時間同有車可以去下其他高千穗景點，地圖可到這裡。